「摛（qi1）藻」即係施展文采嘅意思。乾隆年間，呢度收藏咗《四庫全書荟要》。摛藻堂旁邊有一樖六百幾年嘅古柏，據說乾隆皇帝南巡嘅時候，佢曾經化身樹影為皇帝遮擋陽光，皇帝特別加封佢為「靈柏」。

養性齋望落古色古香，但實際上曾經係一間與眾不同嘅洋式書齋。呢度係末代皇帝溥儀嘅英文老師莊士敦住過嘅地方，溥儀仲曾經喺度學英文添！溥儀喺《我嘅前半生》入面寫到，自己讀書厭煩嘅時候，莊士敦就會循循善誘，「講啲山南海北、古今中外嘅掌故。」

「三希堂」係乾隆皇帝非常鍾意嘅書房。佢位於故宮養心殿嘅西暖閣，雖然佢只不過係8平方米嘅小屋，但係佢「低調奢華有內涵」。呢度曾經藏有王羲之《快雪時晴帖》、王獻之《中秋帖》同王珣《伯遠帖》三件希世之珍，呢啲亦都係「三希堂」呢個名嘅由來。

喺養心殿東暖閣有一個小書齋——明窗。由雍正皇帝開始，呢度就肩負咗一個重要嘅使命，喺每年嘅元旦（古時候春節叫做元旦），舉行「開筆儀式」。子時（午夜零點左右）一到，新春開始，皇帝要喺呢度親手點燃案上面嘅蠟燭，向刻有「金瓯（au1）永固」字樣嘅金杯入面注入屠蘇酒，再攞起刻住「萬年青」嘅毛筆，先點朱墨，再換墨筆寫「天下太平」「福壽長春」之類嘅吉祥語，祈求一年嘅國泰民安。

毓（yug6）慶宮係康熙皇帝專門為皇太子胤礽（jan6 jing4）修建嘅住所，亦係清代唯一正式嘅太子東宮。嘉慶皇帝即位後，為咗杜絕皇子們揣摩皇位花落谁家，下令諸皇子以后唔住喺毓慶宮，而係將呢度作為自己藏書同修養心性嘅場所。毓慶宮後殿有繼德堂、宛委別藏、味餘書室等，全部都係嘉慶皇帝嘅私人書房。

清代嘅皇帝十分重視教育問題，康熙皇帝落令，喺宮中增加「皇子學校」——上書房，仲聘請咗最有才華嘅老師嚟教書。皇子們由六歲開始就要入上書房讀書。每日凌晨三點，天都未光，皇子們就要嚟到呢度早讀，要一直讀到下昼先可以放學休息，而且一年只有五個節日先可以放一日假添！

紫禁城入面周围都係鮮艷奪目嘅紅牆黃瓦，而文淵閣係黑色琉璃瓦頂，綠色琉璃瓦剪邊，喻意黑色主水，以水壓火，以保藏書樓嘅安全，同時亦營造出一種特別靜謐嘅書卷氛圍。原來，呢度係模仿浙江寧波嘅藏書名樓「天一閣」建成嘅，係乾隆皇帝专门為收藏《四庫全書》建造嘅。

缩进文淵閣好似座圖書館，係紫禁城最大嘅書庫。有啲鍾意古籍嘅大臣，經過皇帝嘅允許都可以进入閣中徜徉書海，一飽眼福。不過，只限「堂食」，唔可以「外帶」書本㗎！